Avropa İttifaqı (Aİ) ABŞ rəhbərliyini federal səviyyədə alınan qərarla yenidən başlayan ölüm hökmünün icrasını dayandırmağa səsləyib.
Avropa İttifaqının xarici xidmətinin rəsmi nümayəndəsi Piter Stano bu barədə açıqlama verib.
O, ABŞ-da 20 illik fasilədən sonra bu ilin iyul ayında federal səviyyədə alınan qərarla ölüm hökmünün icrasının bərpa olunmasından narahat olduqlarını söyləyib.
İttifaqın edam cəzasına qarşı olduğunu vurğulayan Stano, bunun qəddar və qeyri-insani bir cəza olduğunu bildirib.
Qeyd edək ki, ABŞ rəhbərliyinin iyul ayında ölüm hökmünü bərpa etməsindən sonra səkkiz nəfər edam edilib.
