Biz artıq böyük qayıdışdan sonrakı mərhələdəyik. Artıq Kəlbəcər rayonu ərazisində mövcud yataqların istismarı ön plandadır.
Bu sözləri Ekologiya və Təbii Sərvətlər Nazirliyinin Geoloji Kəşfiyyat Xidmətinin rəisi Əli Əliyev deyib.
O bildirib ki, ilkin mərhələyə start verilib:
“Kəlbəcərdə aşkar edilən bütün yataqların ilkin olaraq qısa müddətli monitorinqinə və diaqnostikasına başlanılıb. Daha sonra orta və uzunmüddətli mərhələdə yataqların effektivlik və önəmlilik dərəcəsinə uyğun olaraq istismarı nəzərdə tutulur.
Paralel olaraq Kəlbəcər rayonunda həm yataqların istismarı, həm də axtarış kəşfiyyat işlərinin aparılması da planlaşdırılır”.
