Aprel ayının 27-dən etibarən xüsusi karantin rejiminin yumşaldılmasından sonra paytaxtda mənzərə dəyişib.
İlk baxışdan elə görünür ki, bütün dünyanı cənginə alan koronavirus pandemiyası bitib.
İnsanların əksəriyyəti küçələrdə tibbi qoruyucu vasitələrdən istifadə etmədən dolaşırlar.
Yumşaldılmadan sonra ayaqqabı, geyim mağazaları, elektronika məhsulları və digər fəaliyyəti zəruri hesab olunan obyektlərin fəaliyyətinə icazə verilib ki, bu, evdən çıxmaq üçün alınan arayışların sayına da təsirsiz ötüşməyib.
