Fransada ötən sutkada 437 nəfər pandemiyanın qurbanı olub.
Bu barədə ölkənin Səhiyyə Nazirliyi məlumat yayıb.
Qeyd olunub ki, Fransada koronavirusdan ölənlərin sayı 23 293-ə yüksəlib.
Xəstəxanalarda 14 497 nəfər, qocalar evlərində, digər tibb və sosial müəssisələrdə isə 8 796 pasiyent pandemiyanın qurbanı olub.
Bundan başqa, son sutka ərzində ölkədə koronavirusa yoluxanların sayı 3,7 min nəfər artaraq 128 339-a çatıb.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.
