İranda zəlzələ oldu – Naxçıvanda da hiss olunub

İranın Qərbi Azərbaycan vilayətində 4,5 maqnitudalı zəlzələ olub.

Bu barədə məlumatı Türkiyənin Fövqəladə Halların İdarə Olunması Agentliyi (AFAD) yayıb.

Hadisə Bakı vaxtı ilə 01:25-də baş verib və zəlzələnin ocağı 7,16 km dərinlikdə yerləşib.

Zəlzələ Naxçıvan Muxtar Respublikasının episentrə yaxın sərhəd rayonlarında 3 bala qədər hiss olunub.