Şənbə günü səhər naməlum silahlı şəxslər İranın Zahedan şəhərində ədliyyə binasına hücum ediblər.
Bu barədə “Mehr” agentliyi məlumat yayıb.
İranın Ədliyyə Qurumları İnformasiya Mərkəzi şənbə günü səhər Sistan və Bəlucistan əyalətlərində naməlum silahlı şəxslərin ədliyyə binasına hücum etdiyini bildirib.
İlkin məlumatlara görə, terror aktı nəticəsində bir neçə nəfər xəsarət alıb. Dərhal hadisə yerinə xilasedicilər göndərilib.
Qeyd edək ki, bir neçə saat əvvəl SEPAH-ın Cənubi Azərbaycanda yerləşən bazasına da hücum olmuşdu.
