Ermənistanda metroda xuliqanlıq edənlər sərhədi keçərkən yaxalanıb. Onlar əcnəbi olub.
Bu barədə Ermənistan Daxili İşlər Nazirliyinin Polis İdarəsi məlumat yayıb.
“Fevralın 1-də saat 21:32-də Metropolitenin “Sasuntsi Davit” və “Respublika Meydanı” stansiyaları arasındakı açıq sahədə maskalı şəxslərin qatar vaqonlarına boya çiləmələri barədə Polisin Əməliyyat İdarəetmə Mərkəzinə məlumat daxil olub. Bir neçə dəqiqədən sonra həmin şəxslərin qatara daş ataraq onun hərəkətinə mane olması ilə bağlı növbəti həyəcan siqnalı daxil olub.
Bildirilir ki, cinayəti törədən əcnəbilərin şəxsiyyəti məlum olub.
Əməliyyat məlumatı əsasında hərəkətə keçən polis Baqrataşen sərhəd-keçid məntəqəsini keçməyə cəhd edən 5 əcnəbini xuliqanlıqda şübhəli bilərək həbs edib.
“Həbs edilən şəxslər və tərtib olunmuş sənədlər Erebuni və Nubaraşen inzibati rayonlarının istintaq şöbələrinə təqdim edilib”, – deyə məlumatda qeyd olunur.
