Böyük Britaniya hökuməti vətəndaşlarını Ermənistanın Azərbaycanla sərhədyanı bölgələrinə getməməyə çağırıb.
Bu barədə hökumətin saytında məlumat paylaşılıb.
“Ermənistan-Azərbaycan sərhədi bağlı olaraq qalır. Bu, iki ölkə arasında konsulluq dəstəyinin son dərəcə məhdud olması ilə əlaqədardır”, – məlumatda deyilir.
Britaniya hakimiyyəti Tavuş bölgəsindəki İcevan və Noyemberyan arasındakı yolun hissəsini də təhlükəli hesab edir. Həmçinin qeyd edilir ki, İrəvanla İstanbul arasında aviareyslərin olmasına baxmayaraq, Ermənistan-Türkiyə sərhədi bağlıdır.
Bundan əlavə, tövsiyədə vurğulanır ki, Cənubi Qafqaza səyahət gözlənilməz ola bilər, çünki infrastruktur yaxşı vəziyyətdə deyil.
