NASA Artemida missiyaları çərçivəsində yenidən Aya insanları göndərməyə hazırlaşır. Bu missiyaların diqqət mərkəzində Ayın cənub qütbündəki “Shackleton” krateri olacaq.
Bu kampaniya bəşəriyyəti Aya qaytarmağı və oradakı resurslardan istifadə edərək Marsa missiyalar hazırlamağı hədəfləyir.
NASA bu çətin bölgə üçün yeni naviqasiya və xəritəçəkmə texnologiyalarını inkişaf etdirənlərə 50 min dollara qədər mükafatlar verəcək.
“Apollon” missiyalarından 50 il sonra ilk dəfə insanlı eniş edəcək NASA bu dəfə Ayın cənub qütbünü araşdıracaq.
Xüsusilə daim kölgədə olan ərazilərdə su buzlaqlarının ola biləcəyi və bu resursların gələcək Mars missiyaları üçün həyati əhəmiyyət daşıya biləcəyi düşünülür.
Kampaniyaya müraciətlər artıq sentyabrın 4-də açıq elan edilib, 25 noyabr 2024-cü ildə isə bağlanacaq.
