Yaponiyada Ebola virusu və Lassa qızdırması da daxil olmaqla ən ölümcül patogenlərin öyrənilməsi üçün bioloji laboratoriya yaradılacaq.
Bu barədə “Kyodo” agentliyi məlumat yayıb.
Qeyd olunur ki, laboratoriya dekabr ayında hələ sınaq rejimində işə başlaya bilər. O ölkənin cənub-şərqindəki Naqasaki Universitetinin nəzdində yerləşəcək. Yaponiyada maksimum biotəhlükəsizlik səviyyəsi dörd (BSL-4) olan bir laboratoriya var, lakin onun fəaliyyəti çox məhduddur – əsasən onun vəzifəsi patogenlərin özlərini öyrənmək deyil, çirklənməni aşkar etmək üçün testlər keçirməkdir.
Xatırladaq ki, dünyada 60-a yaxın analoji bioloji laboratoriya var.
