Döyüşlər zamanı evlərini tərk etmiş Ukrayna vətəndaşlarının əhəmiyyətli hissəsi Rusiyanın ələ keçirdiyi bölgələrə qayıtmaq arzusunu ifadə edib.
Bu barədə Ukraynanın “Strana.ua” nəşri öz teleqram-kanalında yazıb.
Bildirilir ki, bəzi Ukrayna vətəndaşları öz doğma torpaqları üçün ürəkdən darıxırlar, bəziləri isə Rusiya qanunvericiliyinə uyğun olaraq öz mənzillərinə sahib olmaq barədə düşünürlər. Qeyd olunur ki, evləri dağılan şəxslər təzminat ödənişləri üçün müraciət etməyi gözləyir.
Eyni zamanda, bildirilir ki, bəzi qaçqınlar burada əbədi qalmaq ümidi ilə Rusiyaya köçmək barədə düşünürlər. Onların əksəriyyəti əmək bazarında tələbat olan ixtisaslara sahibdir.
