İstanbulda polis partlayıcı maddələrdən istifadə etməklə terror aktı hazırlayan “İslam Dövləti” (İŞİD) terror təşkilatının iki tərəfdarını saxlayıb.
Bu barədə İHA məlumat yayıb.
Nəşr qeyd edib ki, hüquq-mühafizə orqanlarının əməkdaşları şübhəlilərdən birinin partlayıcı maddələr və bombanın yığılması yolları ilə bağlı məlumatları internetdə axtarmağa başladıqdan sonra onu izləməyə başlayıblar. Polis onu və Qaziosmanpaşa rayonunda eyni binada müxtəlif mənzillərdə yaşayan digər şübhəli şəxsi saxlayıb.
Yaşayış məntəqələrində aparılan axtarışlar çərçivəsində partlayıcı maddələr, bomba hazırlamaq üçün kimyəvi maddələr, laboratoriya ləvazimatları, terror təşkilatının simvolları və digər materiallar müsadirə edilib.
İHA saxlanılanların 2021-ci ildə İŞİD-ə üzv olmaq ittihamı ilə həbs edildiyini vurğulayıb. Onlar 2023-cü ildə həbsdən azad ediliblər.
