Keçmiş biatlonçu, hazırda Rusiya Dövlət Dumasının deputatı Anton Şipulin koronavirusa yoluxub. Bu barədə idmançı “Instagram” hesabında bildirib.
Onun sözlərinə görə, diaqnoz həyat yoldaşı, qayınanası və qızında da təsdiqini tapıb. Oğlunun testinin cavabı isə mənfi olub.
A.Şipulin onu da əlavə edib ki, həyat yoldaşı xəstəliyi ağır keçirir, xəstəxanaya yerləşdirilib. Qalanlarında isə koronavirus yüngül formada keçir.
Qeyd edək ki, Anton Şipulin Rusiya Prezidenti Vladimir Putinin müvəkkili olub.
