Rusiya kanallarında Azərbaycanın Qarabağ bölgəsini könüllü tərk edən erməniəsilli sakinlərlə bağlı görüntülər paylaşılıb.
Bu görüntüləri Ermənistan baş naziri Nikol Paşinyanın Qarabağda baş verənlərlə bağlı yalan danışmağa davam etdiyinin sübutu hesab etmək olar.
Belə ki, Qarabağdan köç edən erməniəsilli sakinlərdən Azərbaycan tərəfinin onlara necə davrandığı, hər hansı məcburiyyət və ya kobud rəftarın olub-olmadığı soruşulub. Sualı cavablandıranların hamısı özlərinə qarşı hər hansı sərt davranışa yol verilmədiyini, Qarabağı könüllü olaraq tərk etdiklərini deyiblər.
Qarabağın erməniəsiili sakinləri bölgədən getmələrinin tələsik olduğunu inkar etmirlər, lakin azərbaycanlılar tərəfindən onlara qarşı hər hansı təhdid və zorakılığın olmadığını, hər hansı problemlə üzləşmədiklərini, rahat hərəkət etdiklərini qeyd edirlər.
