Azərbaycan Yazıçılar və Jurnalistlər Birliyinin üzvü şair-publisist Ramiz Duyğunun “Qalibiyyət Dastanı” adlı yeni şeirlər və poemalar kitabı çapdan çıxmışdır. İctimai Nəzarət Koalisiyasının təşəbüssü ilə təşkilatın akt zalında təqdim olunan bu kitaba daxil edilən şeir və poemaların demək olar ki, əksəriyyəti Qarabağ müharibəsi ilə əlaqəlidir və bu əsərlər, əsasən, qədim mədəniyyət, incəsənət və sənət paytaxtımız Şuşa şəhərinin erməni-daşnak faşist işğalından sonra yazılıb.
Əsas yaradıcılıq amalı və əqidəsi Vətənpərvərlik duyğularını tərənnüm etmək olan müəllifin kitabına daxil edilmiş şeir və poemaların ruhunu ancaq silaha sarılmaq və Qələbəyə böyük inam nidaları təşkil edir və ərazi bütövlüyümüzün yalnız hərb yolu ilə bərpa olunacağına çağırışdır.
Ramiz Duyğun bu kitabı Möhtərəm Prezidentimiz, Silahlı Qüvvələrimizin qalib və qadir Ali Baş Komandanı İlham Əliyevin şəxsində, 16 il nazirliyin Mətbuat xidmətinin rəisi, 7 il isə özəl olaraq, daxili və xarici düşmənlərimizin inforimasiya hücumlarından qoruduğu, İkinci Qarabağ (Vətən) müharibəsində daşnak-faşist Ermənistan ordusu üzərində əldə etdiyi cahanşümul qələbə qazanması və yaradılmasının 103 illiyi münasibəti ilə qəhrəman Azərbaycan ordusunun şəxsi heyətinə həsr etmişdir.
Kitabın təqdimatında çıxış edən İNK sədri Rasim Məmmədov və müəllifin bir çox oxucusu ürək sözlərini bildirmişlər.
“ictimaixeber.az”
