Rusiya 2025-ci ildə X-101 qanadlı raketinin istehsalını əhəmiyyətli dərəcədə artırmağı planlaşdırır. Bu da, beynəlxalq ictimaiyyətin ciddi narahatlığına səbəb olub.
Mövzuyla bağlı araşdırmanı “Kanal 24” aparıb. Aydın olub ki, Kreml 2025-ci ildə 633, 2026-cı ildə isə daha 223 ədəd X-101 raketi istehsal etmək niyyətindədir.
Məlumdur ki, Rusiya sanksiyalara görə elektron hissələrin çatışmazlığı ilə üzləşir, lakin Çin və Belarus da daxil olmaqla, fəal şəkildə alternativ tədarük yolları axtarır.
Məlumata görə, X-101 istehsalı 2021-ci ildə ildə 56 ədəddən 2025-ci ildə ayda 50 ədədə yüksəlib. Bu, üç növbədə işləyən fabriklər və qaçaq hissələrin istifadəsi sayəsində mümkün olub. Eyni zamanda, raketlərin bəziləri nasaz ola və ya Ukrayna Silahlı Qüvvələri tərəfindən hücumlar zamanı məhv edilə bilər.
Ekspertlər vurğulayıblar ki, bu cür hasilat göstəriciləri Rusiyanın müharibənin yeni mərhələlərinə, o cümlədən NATO-nun üzvü olan Baltikyanı ölkələrə mümkün zərbələrə hazırlığından xəbər verə bilər.
Qeyd olunur ki, bu baxımdan Qərb ölkələrinin Kremlin kritik silah komponentlərinə çıxışını məhdudlaşdırmaq üçün sanksiyaları daha da sərtləşdirməsi gözlənilir.
