Qəbələ rayonu Nic qəsəbəsi şəhid Nəsrullahyev Rəşidin 4- cü il dönümü qeyd olundu.
Tədbirdə şəhid ailələri, qəsəbə sakinləri, Qəbələ TV, şəhidin ailə üzvləri, axundlar təşkilat rəhbərləri,polislər iştirak etmişdir.
Əvvəlcə şəhidin məzarı üzərinə tər çiçəklər qoyulmuş, ruhuna dualar oxunmuşdur.
Çıxış edənlər şəhidin yaxınlarına başsağlığı vermişdir.
Şəhid əsgər Nəsrullayev Rəşid Qəzənfər oğlu 1993 ci il İyul ayının 11-i Qəbələ rayonu Nic qəsəbəsində anadan olmuşdur. Orta təhsilini Qəbələ rayonu Nic qəsəbə 4 saylı tam orta məktəbdə almışdır. 2011 ci ildə həqiqi hərbi xidmətə getmiş, Qazax rayonunda yerləşən N saylı hərbi hissədə yerinə yetirmişdir. Şəhid Nəsrullayev Rəşid 2020 ci il 21 sentyabrda olan təlimlərə qatılmış, 27 sentyabrda başlanan İkinci Qarabağ müharibəsində bir neçə yerin düşməndən azad olunmasında yaxından iştirak etmişdir. Rəşid Nəsrullayev 2020 ci il noyabr ayının 2-si Ağdərə rayonu ərazisində gedən döyüşlərdə qəhrəmancasına şəhid olmuşdur. Qəbələ rayonu Nic qəsəbə qəbristanlığında dəfn olunub
Allah rəhmət etsin.
Təranə Alməmmədova
Dünya Azərbaycanlılarının Mədəniyyət Mərkəzi , Sabitlik və İnkişaf Mərkəzinin Qəbələ rayon nümayəndəliyinin rəhbəri
