“Abadlıq işləri çərçivəsində Mərkəzi Nəbatat Bağına minlərlə bitki introduksiya olunub”.
Bunu Mərkəzi Nəbatat Bağına təşkil edilən mediatur zamanı jurnalistlərə açıqlamasında botanik Asif Mehralıyev deyib.
O bildirib ki, bağ ərazisinə yeni 116 növ bitki gətirilib: “Əvvəl burada 1500-dən çox bitki növü, 50 minə yaxın isə bitki mövcud olub. Yeni gətirilən növlərin isə bir hissəsi dünya florasından, Türkiyə və İtaliyadan gətirilib.
Hazırda da hər bir bitkinin öz bioloji xüsusiyyətinə uyğun qulluq edilir. İntroduksiya olunan bitkilər burada Abşeronun torpağına uyğun olaraq iqlimləşdirilib”.
