Azərbaycanın Karmeni ləqəbi ilə tanınmış, dəyərlimiz, görkəmli opera müğənnisi, Azərbaycan Respublikasının Xalq artisti, pedaqoq, beynəlxalq müsabiqələr laureatı milli və klassik opera tamaşalarının aparici partiyalarının mahir ifaçısı Fidan Hacıyeva bir müddət öncə məni dəvətli solist olaraq yeni yaratdığı Fidan Hacıyeva Musiqi Məktəbinin nəzdində “Opera Teatrına” solist olaraq dəvəti həqiqətən də, məni çox sevindirdi. Artıq bir müddətdir ki teatrda solist olaraq fəaliyyətə başlamışam və çox uğurlu səhnələrdə çıxışlarımız baş tutmaqdadır. Teatrın truppası yeni yaranmasına baxmayaraq deyərdim ki, Azərbaycanda həqiqətən səs salacaq bir təşəbbüs oldu. Biz gənclər bilirik ki, Azərbaycanda istedadlı gənclərimiz çoxdur bəziləri özlərini inkişaf etdirməkdə çox çətinliklər ilə qarşılaşır və başqa çətinliklər ilə qarşılaşırlar. Fidan xanımın bu təşəbbüsü isə deyərdim ki həqiqətən də istedadlı və savadlı gəncləri bir araya yığaraq dəstək olması təqdirəlayiq haldır.
Hal hazırda uğurla fəaliyyət göstərən teatrımızın truppa üzvləridə Respublika və Beynəlxalq müsabiqələr laureatlarıdır. Teatrın məşqləri isə məsuliyyətli şəkildə davam etməkdədir çunki işini və sənətini sevən gənclər burda fəaliyyət göstərir. Fidan Hacıyevanın Opera Teatrı ilk konserti isə Azərbaycan Tibb Universitetində baş tutdu.
Fidan Hacıyeva 2015 cı ildə Azərbaycanda ilk dəfə özəl “Musiqi Məktəbi”-nin yaradıcısıdır. Həmçinin də, Fidan xanımın təşəbbüsü ilə Azərbaycanda ilk dəfə xanımlardan ibarət “Mezzo” orkestri fəaliyyətə başlamış və qısa bir müddətdə Azərbaycanda tanınmış nüfuza sahib olmuşdur. 2024 cü ildə isə Azərbaycan Respublikasının Mədəniyyət Nazirliyinin dəstəyi, və Fidan Hacıyeva adına musiqi məktəbinin tkilatçılığı ilə, Azərbaycanda ilk dəfə birinci beynəlxalq “Opera Festivalı” baş tutmuş və bu festivaldada biz gənclərə profesional ifaçılar ilə bir səhnəni bölüşmək imkanı yaradılmışdır.
Opera sənəti bir dünyadır. Bu dünyanı gözəl saxlamaq isə biz ifaçıların üzərindədir.
Altun Süleymanov,
Fidan Hacıyevanın Opera Teatrının solisti
