Günəşdə yeni hadisə baş verib.
Rusiya Kosmik Tədqiqatlar İnstitutunun Günəş Astronomiyası laboratoriyası xəbər verir ki, mövcud aktivlik artımında ən güclülərdən biri olan yeni böyük məşəl müşahidə olunub.
Bildirilir ki, hadisə Günəşin Yerə baxan tərəfində yerləşənlərin ən böyüyü olan 3981-ci bölgədə baş verib.
Tədqiqatçılar qeyd ediblər ki, aktivlik Moskva vaxtı ilə saat 13:47-də (Bakı vaxtı ilə 14:47-də) başlayıb, ən güclü hadisə isə saat 14:04-də (15:04-də) baş verib.
Alimlər əlavə ediblər ki, yanğının episentrinin Yerə yaxınlığı planetə müəyyən təsir təhlükəsi yaradır. Laboratoriya işçiləri baş vermiş nadir təbiət hadisəsinin tədqiqatının nəticələri barədə məlumat verəcəklərini vəd ediblər.
