“Biz həbsxanalara həmişə kitab hədiyyə edirik”
Bunu “Qanun” nəşriyyatının direktoru, naşir Şahbaz Xuduoğlu deyib. Ş.Xuduoğlu bildirib ki, bu cür aksiyalarda onlar təmənnasız olaraq kitab yardımı edirlər:
“Biz həmişə həbsxanalara kitablar göndəririk. Amma indi dəqiq ad çəkə bilmərəm. Keçirilən kitab aksiyalarında bizə müraciət olunduqda təmənnasız olaraq onlara kitab veririk. Elə dünən 6 saylı cəzaçəkmə müəssisəsində “məhkumlara kitab payı” adlı aksiyasına biz də kitab göndərdik. Qaldı ki, cəzaçəkmə müəssisələrində bu cür kitab aksiyalarının keçirilməsi təqdirəlayiqdir”.
Qeyd edək ki, 6 saylı cəzaçəkmə müəssisəsində “məhkumlara kitab payı” aksiyasında məhkumlara 500-dən çox kitab hədiyyə edilib.
