Böyük Britaniyanın Loughboro Universitetinin alimləri proqnozlaşdırıblar ki, növbəti onillikdə dünyanın sonu gələcək.
Bu haqda “Energy Policy” jurnalı məlumat yayıb.
Tədqiqat ekonometrik modellərə əsaslanır ki, rəqəmsal istehlak, o cümlədən məlumat mərkəzi əməliyyatları artdıqca, qlobal elektrik təchizatı yaxın on il ərzində bu tələbatı ödəyə bilməyəcək. 2033-cü ilə qədər rəqəmsal əsaslı enerji istehlakının qlobal elektrik istehsalını keçəcəyi proqnozlaşdırılır.
Alimlər cari enerji proqnozlarını və rəqəmsal məlumat istehlakının dinamikasını nəzərə alan mürəkkəb ekonometrik modellərdən istifadə ediblər. Tədqiqat son bir neçə il ərzində toplanmış məlumatlara əsaslanır və həm bərpa olunan elektrik enerjisinə tələbat üzrə proqnozları, həm də dünyada yaradılan rəqəmsal məlumatların həcmi və növünün qiymətləndirilməsini əhatə edir.
Məlumat mərkəzləri bütün Böyük Britaniyadan daha çox enerji istehlak edir və araşdırmaya görə, hazırda “qaranlıq məlumat” adlandırılan məlumatların 65 faizini yaratmaqdan məsuldur. Bu, yalnız bir dəfə istifadə edilən və sonra unudulan, qlobal rəqəmsal ekosistemə əhəmiyyətli miqdarda “boşuna atılan” resurslar əlavə edən məlumatlardır. Bu məlumatlar enerji ehtiyatlarına əlavə təzyiq göstərir, saxlama və emal üçün əhəmiyyətli xərclər tələb edir.
Alimlər vurğulayır ki, məlumat istehlakının cari artım tempi davam edərsə, 2033-cü ilə qədər bu məlumatların emalı üçün tələb olunan elektrik enerjisinə tələbat qlobal enerji istehsalının imkanlarını əhəmiyyətli dərəcədə üstələyə bilər. Bu, bütün sistemin davamlılığını təhdid edir.
Qeyd edək ki, tədqiqat rəqəmsal infrastrukturda enerji səmərəliliyini artırmaq və məlumat israfını azaltmaq üçün təcili fəaliyyətə çağırışdır.
