Xalq artisti Nazpəri Dostəliyeva qardaşı qızı Pərvanə Dostəliyeva ilə yaşadığı qalmaqala baxmayaraq, yeni fotosessiyasını təqdim edib.
Sənətçi yeni şəkillərini mediaya göndərib, daha sonra instaqram səhifəsində paylaşaraq onu tənqid edənlərə mesaj göndərib:
“Bir sənətkar olaraq hər zaman arxamca pis və yaxşı danışanlar olub. Gərək həyatda elə bir cümlə olasan ki, sənə nöqtə qoya bilməsinlər. Sizə yeni fotosessiyamı təqdim edirəm, bir az da bundan danışın”.
Pərvanə Dostəliyeva isə şəxsi səhifəsində status yazaraq qeyd edib ki, artıq insanlar Dostəliyevləri tanıyır:
“Sonuncu dəfə insanlara üzümü tutub deyirəm ki, Allah heç vaxt zalıma fürsət verməz. Onların pulu varsa, mənim də Allahım var. Mənə atılan böhtanlar, şərlər belə qalmaz. İnsanları artıq yormaq istəmirəm. Sözümü dedim və sübuta yetirdim. Bir daha deyirəm ki, məşhur olmaq niyyətində deyiləm. Həqiqətləri danışmaq tək məqsədim idi. İstədim ki, xalq onları tanısın”.
.jpeg)
