![](https://ictimaixeber.az/wp-content/uploads/2021/01/rusiya-xin.jpg)
Qarabağda bütün iqtisadi və nəqliyyat əlaqələrinin bərpa olunması üzrə Rusiya, Azərbaycan və Ermənistan baş nazir müavinləri səviyyəsində işçi qrupunun iclası yaxın zamanlarda keçirilə bilər.
Bu barədə Rusiya Xarici İşlər Nazirliyinin (XİN) açıqlamasında bildirilib.
Açıqlamada qeyd olunub ki, hazırda tərəflər arasında işçi qrupunun ilk iclasına hazırlıqlar aparılır. Aktual məqsəd region dövlətlərinin mehriban qonşuluq münasibətlərinin bərpası, millətlərarası və məzhəblərarası sülh və etimadın təmin olunması, Cənubi Qafqazda sabitlik və çiçəklənmə üçün şəraitin yaradılması üçün qarşıdurmadan barışığa keçidi təmin etməkdir.
***
Yanvarın 30-da Moskvada Azərbaycan Baş nazirinin müavini Şahin Mustafayev, Rusiya hökuməti sədrinin müavini Aleksey Overçuk və Ermənistan Baş nazirinin müavini Mqer Qriqoryanın görüşü keçiriləcək.
Bu barədə Ermənistan baş nazirinin mətbuat xidməti açıqlama yayıb.