“Görünür, insanlar son Buz Dövrünə canavarlar və ayılar kimi uyğunlaşıblar”.
Bu barədə əcdadlarımızın Buz Dövründə necə və harada yaşadığına dair uzun müddətdir mövcud olan nəzəriyyələrə meydan oxuyan yeni araşdırmada qeyd olunur.
Araşdırmanın həmmüəlliflərindən biri, Bornmut Universitetinin təkamül paleoekologiyası professoru Con Stüart elmi işin təfərrüatlarından danışıb.
Əvvəlki tədqiqatlar əksər arxeoloqlar arasında müasir insanların son Buz Dövrünün yüksəkliyində Cənubi Avropaya çəkildiyi və qlobal temperaturun sonrakı yüksəlişi zamanı ərazilərinin genişləndirdiyi fikrini dəstəkləyib.
Professor Stüart yazır ki, yeni tədqiqat genetik sübutlardan istifadə edərək, bir çox digər canlılardan fərqli olaraq və əcdadlarımızın Afrikanın daha isti iqlimində təkamül etməsinə baxmayaraq, ən azı bəzi insanların Mərkəzi Avropada qaldığını göstərən ilk tədqiqatdır.
Bu sahədə aparılan əksər araşdırmalar göstərib ki, insanlar da daxil olmaqla, bir çox canlılar, təxminən 20 000 il əvvəl, son Buz Dövrünün başlanğıcından bəri coğrafi ərazilərini genişləndiriblər. Bu zaman Avropa buz təbəqələri Danimarka və Uelsin cənubuna çatıb. Avropa yəqin ki, bugünkü Alyaska və ya Sibir kimi soyuq, eyni zamanda əsasən susuz olub.
Bornmut Universitetinin əməkdaşı Oxala Qarsia-Rodriqes rəhbərlik etdiyi yeni araşdırmada fərqli bir yanaşma tətbiq edib və 23 ümumi Avropa məməlisinin genetik tarixinə nəzər salıb.
Alimlər müəyyən ediblər ki, bəzi növlərin (məsələn, qonur ayılar və canavarlar) son buzlaşmanın yüksəkliyində artıq Avropada geniş yayılmışdı və heç bir nəzərə çarpan sığınacaqları yox idi. Amma həm şimalda, həm də cənubda sığınacaqları olub.
Alimlər aşkar ediblər ki, bu nümunə “Homo sapiens” üçün də keçərlidir.
Qədim insanların və bu qrupun digər heyvanlarının niyə belə sərt görünən iqlimdə yaşadıqları və daha qonaqpərvər yerləri kəşf etməmələri aydın deyil. Amma görünür, onlar buz dövrü şəraitinə tab gətirə biliblər, digər heyvanlar isə sığınacaqlara gediblər.
