Kiyevin təklif etdiyi təhlükəsizlik zəmanətləri gələcəkdə hər hansı dövlətin mümkün hücumu halında ölkəyə NATO qoşunlarının göndərilməsini nəzərdə tutmur.
Bu barədə Ukrayna prezidenti Vladimir Zelenski deyib.
“Bizə təhlükəsizlik zəmanətləri lazımdır. Biz təhlükəsizlik zəmanətləri ilə bağlı analitik sənədlərimizdə nəyi təsvir ediriksə, biz bu gün Qərb tərəfdaşlarından aldığımız yardımı təsvir edirik. İndi əldə etdiyimiz yardımla təhlükəsizlik zəmanətləri arasındakı fərq odur ki, təhlükəsizlik təminatları müvafiq dövlətlərin imzaladığı sənəddir. Onlar fərqli ola bilər. Maliyyə, silahlanma, sanksiyalar, siyasi təhlükəsizlik təminatları”,- deyə Zelenski bildirib.
