Ukrayna prezidenti Vladimir Zelenski jurnalistlər üçün brifinq keçirdiyi üçün Fransa prezidenti Emmanuel Makronla dərhal telefon danışığı apara bilməyib.
Bu barədə “RBC-Ukrayna” nəşri məlumat yayıb.
Onlayn konfrans zamanı Zelenskiyə Makrondan zəng gəlib. Ukrayna lideri telefonu qaldırıb, hazırda mətbuata danışdığını izah edib və 15-20 dəqiqədən sonra yenidən zəng edəcəyinə söz verib.
Brifinqdən sonra Zelenski jurnalistlərə fransız həmkarından zəng aldığını təsdiqləyib. O, Makronla orta hesabla gündə bir dəfə telefonla danışdıqlarını da qeyd edib.
