Qəbələ rayonu Zərgərli kənd şəhidi Şöhrət Mikayılovun üçüncü il dönümü qeyd olundu.
Tədbirdə kənd icra nümayəndəsi, axundlar, məktəblilər, müəllim kollektivi, Dünya Azərbaycanlıların Mədəniyyət Mərkəzi, Sabitlik və İnkişaf Mərkəzinin Qəbələ rayon nümayəndəliyinin rəhbəri, Qəbələ TV, Qızıl Aypara cəmiyyətinin sədri, kənd sakinləri, yazarlar iştirak etdi.
Əvvəlcə şəhidin məzarı üzərinə tər çiçəklər qoyulmuş, ruhana dualar oxunmuşdur.
Şöhrət Mikayılov 26 fevral 2002-ci il tarixində Qəbələ rayonunun Zərgərli kəndində anadan olmuşdur.
Tədbir ata ocağında ehsan süfrəsi arxasında davam etmişdir
Ş. Mikayılov 2008-ci ildə Qəbələ rayonu Zərgərli kənd orta məktəbinin 1-ci sinfinə getmişdir. 2019-cu ildə isə orta təhsilini Nic kəndində yerləşən 4 saylı orta məktəbdə başa vurmuşdur.
27 sentyabr 2020-ci il tarixində Vətən müharibəsi başlayanda Şöhrət Mikayılov müddətli həqiqi hərbi xidmətdə idi və xidmət etdiyi hərbi hissənin sıralarında torpaqlarımızın işğaldan azad edilməsi uğrunda gedən döyüşlərə qatılmışdır.
Şöhrət Mikayılov Füzuli, Zəngilan və Qubadlı uğrunda gedən döyüşlərdə qəhrəmancasına döyüşmüşdür.
31 oktyabr Zəngilan-Qubadlı istiqamətində gedən döyüşlərdə Şəhidlik zirvəsinə ucalmışdır.
Şöhrət Mikayılov 1 noyabr 2020-ci il tarixində Qəbələ rayonunun Zərgərli kənd qəbristanlığında dəfn olunmuşdur
Allah rəhmət eləsin!
Təranə Alməmmədova
Dünya Azərbaycanlılarının Mədəniyyət Mərkəzi, Sabitlik və İnkişaf Mərkəzinin Qəbələ rayon nümayəndəliyinin rəhbəri
