“Yarım milyondan çox NATO əsgəri hazır vəziyyətdədir”.
Bu barədə PAP agentliyinə Alyansın Hərbi Komitəsinin rəhbəri admiral Rob Bauer məlumat verib.
Onun sözlərinə görə, NATO Soyuq Müharibədən bəri ən əhatəli müdafiə planlarını həyata keçirib və alyans qüvvələri bu planları fəal şəkildə sınaqdan keçirir və təkmilləşdirir. Hazırda 500 mindən çox hərbçi yüksək hazırlıq vəziyyətindədir.
Müttəfiqlər həmçinin Polşanın hava və raket əleyhinə müdafiəsini gücləndirmək barədə razılığa gəliblər.
Eyni zamanda, admiral qeyd edib ki, NATO alyansın heç bir ölkəsinə, o cümlədən Polşaya və ya Baltikyanı ölkələrə hücum təhlükəsi görmür.
Bundan əvvəl fransız general NATO-nun Rusiyanın hücumuna cavab verə bilməyəcəyini bildirmişdi. O, inzibati çətinliklərin maneə ola biləcəyini vurğulayıb. Belə ki, Paris 2022-ci ildə tankları Kiyevə köçürməyə hazırlaşarkən, hərbçilər Avropa gömrük xidmətlərinin bürokratik əngəlləri ilə üzləşiblər.
