ABŞ-da UFO və yadplanetli iddialarının Müdafiə Nazirliyi rəsmilərinin özləri tərəfindən yayıldığı ortaya çıxıb.
Bu barədə yerli mətbuat yazıb.
İddiaya görə, Pentaqon bilərəkdən ölkədə UFO mifologiyasının yayılmasına imkan verib. Bunun məqsədi isə əsl gizli silah proqramlarını ört-basdır etmək olub.
Bildirilib ki, o zaman Hərbi Hava Qüvvələrinin polkovniki Nevada səhrasında çox məxfi ərazi olan “Area 51” yaxınlığındakı bara gedib. Orada o, bar sahibinə uçan boşqablara bənzəyən əşyaların fotolarını verib. Həmin vaxtlar iddia edilib ki, ABŞ ordusu gizli şəkildə əlçatan yerdən kənar texnologiyanı sınaqdan keçirir.
Polkovnikin missiyası da sözügedən iddiaları məhv edərək, UFO mifologiyasını yaymaq olub. Hazırda təqaüddə olan polkovnik bunu 2023-cü ildə Pentaqonda təhqiqat aparan məmurlara etiraf edib. Dezinformasiyanın məqsədi əslində Hərbi Hava Qüvvələrinin tam məxfi gizli qırıcı təyyarələr hazırlamasını gizlətmək olub.
Həmin zamanlar müdafiə qüvvələri düşünüb ki, bu, Soyuq Müharibə dövründə Sovet İttifaqına qarşı üstünlük təmin edəcək.
