Xankəndidə bir ilk gerçəkləşdi: Qarabağda ən çox hansı rayona yatırım edilib?

0
37

2023-cü ildə Qarabağ iqtisadi rayonuna 2 milyard 254,4 milyon manat investisiya qoyulub.

Bu, 2022-ci illə müqayisədə 19,5% çoxdur.

Məlumata görə, bunun 33,1%-i və ya 747,332 milyon manatı Füzuli rayonuna (illik müqayisədə 35,8% çox), 27,8%-i və ya 626,67 milyon manatı Şuşa rayonuna (11,4% az), 26,2%-i və ya 589,564 milyon manatı Ağdam rayonuna (85,6% çox) yönəldilib.

Hesabat dövründə Qarabağ iqtisadi rayonuna daxil olan Ağcabədi rayonuna sərmayə qoyuluşu 84,3% artaraq 76,613 milyon manata, Bərdə rayonuna 3,5 dəfə azalaraq 10,647 milyon manata, Xocalı rayonuna 20,8 dəfə artaraq 5,304 milyon manata, Xocavənd rayonuna 34,9% azalaraq 112,088 milyon manata, Tərtər rayonuna sərmayə qoyuluşu isə 42,2% artaraq 86,151 milyon manata çatıb, Ağdərə rayonuna sərmayə ayrılmayıb, Xankəndi şəhərinə isə ilk dəfə 31,5 min manat sərmayə qoyulub.