Heydər Əliyevin anadan olmasının 99-cu ildönümünə həsr olunan taekvondo üzrə Bakı şəhər açıq birinciliyi keçirilir.
Bakı şəhər Gənclər və İdman Baş İdarəsi və Azərbaycan Taekvondo Federasiyası tərəfindən keçirilən yarışda Vətən müharibəsinin yeganə qadın şəhidi, çavuş və hərbi feldşer Arəstə Baxışovanın qızı Zəhra Məmmədli də medal qazanıb.
O, 44 kq çəki dərəcəsində gümüş medalla mükafatlandırılıb. Ona medalı federasiyanın vitse-prezidenti, dünya və ikiqat Avropa çempionu Niyaməddin Paşayev təqdim edib.
Qeyd edək ki, 11 yaşlı Zəhra Məmmədli ötən ildən taekvondo ilə məşğul olur. O, “Ümid” taekvondo klubunda 2006-cı ilin Avropa çempionu İlkin Şahbazovun rəhbərliyi altında məşq edir.
