Ümumdünya Səhiyyə Təşkilatı (ÜST) məlumatların toplanması ilə bağlı problemlər səbəbindən COVID-19-un mənşəyi ilə bağlı əlavə araşdırmaları dayandırır.
Mariya van Kerxovenin sözlərinə görə, dünya təşkilatı araşdırmanı mərhələli şəkildə aparmağı planlaşdırırdı, lakin “plan dəyişib”. ÜST sözçüsü izah edib ki, “dünyadakı siyasi hadisələr həqiqətən də, koronavirusun mənşəyini anlamaqda irəliləyişə mane oldu”.
Ona görə də, onun dediyi kimi, “İkinci mərhələ gözlənilmir”.
2021-ci ilin iyulunda ÜST-nin Baş direktoru Tedros Adhanom Qebreyesus SARS-CoV-2 koronavirusunun mənşəyinin öyrənilməsinin ikinci mərhələsinə hazırlıqların getdiyini və təşkilatın Çin hakimiyyət orqanlarından şəffaflıq gözlədiyini söyləyib. Qebreyesus qeyd edib ki, təhqiqatın birinci mərhələsi müəyyən problemlərlə, o cümlədən məlumatlara, “xüsusən də pandemiyanın başlanğıcı ilə bağlı məlumatlara” çıxışla üzləşib.
