Bu gün şəhid Əmiraslanov Uzmanın anım mərasimi keçirildi.
Tədbirdə Qəbələ rayon icra hakimiyyəti nümayəndələri, Peşə təhsil mərkəzinin müəllimləri, tələbələri, şəhid ailələri, müəssisə təşkilat rəhbərləri, Qəbələ TV iştirak etmişdir.
Əvvəlcə şəhidin məzarı ziyarət olunmuş, üzərinə gül dəstələri qoyulmuş, ruhuna dualar oxunmuşdur.
Sonra tədbir Qəbələ rayon Peşə təhsil mərkəzində davam etmişdir.
Giriş sözü ilə Peşə təhsil mərkəzinin müavini Reyhan Məmmədova açmışdır. Əvvəlcə Azərbaycan respublikasının dövlət himni səsləndirilmiş, şəhidlərin xatirəsi bir dəqiqəlik sükutla yad edilmişdir.
Sonra şəhidin adına hazırlanmış videoçarx nümayiş olunmuşdur.
Şəhidin valideynləri çıxış edərək övladları ilə qürur duyduğunu bildirmişlər.
Tədbirdə hər zaman şəhid ailələrini diqqət və qayğı ilə yanaşdığına görə Peşə təhsil mərkəzinin müavini Reyhan Məmmədova fəxri fərman ilə mükafatlandırılmışdır.
Peşə təhsil mərkəzində şəhidin adına ehsan çay süfrəsi verilmişdir.
Əmiraslanov Ümman Namiq oğlu 1996 ci il dekabr ayının 21-i Qəbələ rayonu Mıxlıqovaq kəndində anadan olmuşdur. Orta təhsilini Qəbələ rayonu Yemişanlı kənd orta məktəbində almışdır. 2015 ci il həqiqi hərbi xidmətə getmiş, hərbi xidmətini Sumqayıt şəhərində yerləşən N saylı hərbi hissənın Çevik Dəst bölüyündə yerinə yetirmişdir. 2020 ci il iyul ayında olan döyüşlər və şəhidlərimizin olması
Ümmana pis təsir etmişdir. Bununla əlaqədar olaraq Ümman Səfərbərlik və Hərbi Xidmətə Çağırış üzrə Dövlət Xidmətinin Qəbələ rayonu üzrə ünvanına yaxınlaşmış, adını könüllü olaraq müharibəyə getmək üçün yazdırmışdır. 2020 ci il 21 sentyabrda başlanan təlimlərə qatılmış , 27 sentyabrda başlanan İkinci Qarabağ müharibəsində iştirak etmiş, torpaqlarımızın düşmən işğalından azad olunması üçün qəhrəmanlıq göstərmişdir. Əsgər Ümman Əmiraslanov 2020 ci il oktyabr ayının 2 -si Suqovuşan istiqamətində gedən döyüşlərdə qəhrəmancasına şəhid olmuşdur . Qəbələ rayonu Mıxlıqovaq kənd məzarlığında dəfn olunub. Üç bacının bir qardaşı idi
Allah rəhmət eləsin şəhidlərimizə
Təranə Alməmmədova
Dünya Azərbaycanlıların Mədəniyyət Mərkəzi Sabitlik və İnkişaf Mərkəzinin Qəbələ rayon nümayəndəliyinin rəhbəri
