“Kiyev və Qərb ölkələri Putinin atəşkəslə bağlı verdiyi qərarı isti qarşılamadılar. Çünki onlar müharibənin davam etməsini istəyirlər”.
Bu sözləri rusiyalı politoloq Darya Qrevtsova ölkə başçısının Ukraynada bütün təmas xətti boyunca atəşin dayandırılması ilə bağlı göstərişini Baku TV-yə şərh edərkən bildirib.
Onun sözlərinə görə, Milad bayramı provaslavlar üçün böyük və müqəddəs bir hadisədir. Vladimir Putin Rusiyanın Patriarxı Krillin müraciətindən sonra Ukraynada atəşkəs elan edib. Təəssüflər olsun ki, Ukrayna prezidenti Moskvanın bu təklifini qəbul etmədi. Lakin başa düşmək lazımdır ki, bu təklifi rədd edən ölkədə qərarlar qəbul edən şəxsin provaslavlara heç bir aidiyyatı yoxdur. Qərb ölkələri də atəşkəs xəbərini isti qarşılamadılar. Bu da onu göstərir ki, onlar müharibənin davam etməsini istəyir.
Rusiyalı politoloqun şərhi ətraflı videoda:
