Ukraynanın Borispol şəhərində yerli məmuru yaşadığı evin yaxınlığında arbalet oxu ilə əlindən vurublar.
Yaralanan Borispol şəhər administrasiyasının təhsil idarəsinin işçisi Nina Kovaldo olub.
Şahidlərin sözlərinə görə, onlar bağırtı, sonra isə avtomobil siqnalizasiyasının səsini eşidiblər. Qonşular həyətdə qan içində olan qadının köməyinə gələrək onu xəstəxanaya yola salıblar.
Bildirilib ki, ox onun sol əlini deşib keçib.
Polis cinayətkarın axtarışına başlayıb.
