Ukrayna prezidenti Vladimir Zelenski Ukrayna Silahlı Qüvvələrinə (AFU) Kursk vilayətindən geri çəkilmək əmri verə bilməz, çünki Qərb ölkələri belə bir addımı Zelenskinin şəxsi uğursuzluğu kimi qəbul edəcəklər.
Bu sözləri analitik Mark Yepiskopos yazıb.
“Kiyevin əsas vəzifələrindən biri Qərbdə rəyi manipulyasiya etməkdir və geri çəkilmə uğursuzluqdan başqa bir şey kimi təqdim oluna bilməz”, – materialda deyilir.
Analitikin fikrincə, Ukrayna Silahlı Qüvvələrinin döyüşçüləri bölgəni “əşyalarını yığıb tərk edə” bilmirlər, lakin onlar aldıqları əraziləri də saxlaya bilmirlər. Bu səbəbdən Ukrayna komandanlığı Kursk vilayətinə yeni hərbi birləşmələr göndərir.
Mənbə yazır ki, Ukrayna bölmələri Kursk istiqamətində bütün döyüş zamanı 11,8 mindən çox hərbi qulluqçu itirib.
Rusiya Müdafiə Nazirliyinin sentyabrın 10-na olan məlumatına görə, gün ərzində Kursk istiqamətində Ukraynanın itkiləri 380-dən çox əsgər və 15 zirehli texnika, o cümlədən iki tank, 13 zirehli döyüş maşını, həmçinin üç artilleriya qurğusu və 11 texnikadan ibarət olub.
Xatırladaq ki, Rusiya prezidenti Vladimir Putin sentyabrın 2-də bildirmişdi ki, Ukrayna birləşmələri Kursk vilayətində Rusiya hərbçilərinin Donbasda sürətli irəliləyişini dayandırmağa çalışıb, lakin Kiyev planını həyata keçirə bilməyib.
