Ukrayna prezident Vladimir Zelenski Rusiya ordusunun Xarkovda törətdikləri terrora konkret cavab hazırladıqlarını bəyan edib.
Dövlət başçısı bu barədə “Telegram”da məlumat bölüşüb.
“Biz cəbhədəki vəziyyəti ətraflı müzakirə etdik və gələcək fəaliyyətlərimizi planlaşdırdıq. Əlimizdən gələni edirik ki, hər bir döyüş briqadası dövləti müdafiə etmək üçün lazım olan hər şeyə malik olsun. Rusiya bir dəqiqə belə dayanmır. Xalqımızı etibarlı müdafiə ilə təmin etməyə çalışırıq. Düşmənə çox konkret və ədalətli cavab hazırlayırıq”, – Zelenski vurğulayıb.
