Böyük Britaniyada üç yaşlı uşaq yüksək IQ səviyyəsi olan insanlar cəmiyyətinin ən gənc üzvü oldu.
Bildirilir ki, Məhəmməd adlı vunderkind yeddi ayında danışmağa başlayıb. Daha sonra oxumağı öyrənib və artıq iki yaşında uzun hekayələri yadda saxlaya və təkrarlaya bilirdi. Həmçinin o, iki – ingilis və malay dilində danışır.
Valideynlərinin sözlərinə görə, onlar bütün uşaqların sürətlə inkişaf etdiyini düşündükləri üçün övladlarının bacarıqlarına əhəmiyyət vermirdilər. Lakin bir müddət sonra bağçada müəllimlər onlara uşağın inkişafda həmyaşıdlarını qabaqladığını bildiriblər.
Bununla yanaşı Məhəmməd özünü digər uşaqlar kimi aparır. Belə ki, o da oynamağı, şəkil çəkməyi və cizgi filmlərini izləməyi sevir.
İntellekt əmsalının yoxlanılması nəticəsində onun IQ-nun 142-ə bərabər olduğu məlum olub. Bu göstərici insanların 99,7 faizindən çoxdur. İndi isə Məhəmməd intellekt səviyyəsi 98 faizdən yüksək olan insanların daxil olduğu Mens cəmiyyətinin ən gənc üzvüdür.
