İsveçrənin Cenevrə şəhərində PKK/YPG terror təşkilatının nümayəndəliyi açılıb.
“Haber Global” məlumat verir ki, bununla əlaqədar ölkənin Türkiyədəki səfirliyinin müvəqqəti işlər vəkili Xarici İşlər Nazirliyinə çağırılıb və ona Türkiyənin etirazını özündə əks etdirən nota təqdim edilib.
İsveçrəli diplomatın diqqətinə çatdırılıb ki, PKK/YPG terror təşkilatı və ona bağlı qruplaşmaların müxtəlif dərnək və qeyri-hökumət təşkilatları adı ilə təbliğat aparmalarına və terrorçuluq fəaliyyətlərini qanuniləşdirməsinə heç bir şəkildə icazə verilməməlidir.
Sənəddə, həmçinin terror təşkilatları arasında ayrı-seçkiliyin yolverilməz olduğu bildirilib və Türkiyənin Avropa İttifaqının da terror təşkilatı kimi tanıdığı PKK, eləcə də ona bağlı qruplaşmalarla mübarizəsini qətiyyətlə davam etdirəcəyi qeyd olunub.
