“Toy mərasimlərinin keçirilməsində say məhdudiyyətinin aradan qaldırılması gündəmdə deyil”.
Bunu Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov deyib.
O bildirib ki, hazırda toy mərasimləri üçün qoyulan 150 nəfərlik məhdudiyyətlər kifayət qədər normaldır:
“Biz hesab edirik ki, 150 nəfər ilə toy mərasimlərinin keçirilməsi uyğundur. Bu rəqəmin artırılması müzakirə edilmir. Bu rəqəm həm şənliyin daha əyləncəli keçirilməsinə, həm də yoluxmanın qarşısının alınmasına zəmin yaradır”.
Ş.Mövsümov sonda onu da əlavə edib ki, ölkədə “Omikron” ştammı aşkar edilməyib, lakin bu virusun asanlıqla sərhədləri keçə bilməsini unutmamalıyıq:
“Bununla mübarizə üçün vaksinasiya və buster doza vurulmasına xüsusi diqqət etmək vacibdir”.
