Böyük Britaniyanın Nyukala Universitetinin dəniz memarlığı üzrə dosenti Saymon Benson 1912-ci ildə “Titanik” gəmisinin batması ilə bağlı detalları açıqlayıb.
O, bu barədə ABC televiziyasına müsahibısində danışıb.
Alim bildirib ki, qabaqcıl sualtı skan etmə texnologiyasından istifadə edərək tədqiqatçılar gəminin ən detallı rəqəmsal surətini yaradıblar ki, bu da onun son dəqiqələri ilə bağlı anlayışımızı dəyişə bilər.
“3D modeli yaratmaq üçün başqa şeylərlə yanaşı, gəmi qalıqlarının 715 min təsvirindən istifadə edilib. Əsər aprelin 11-də premyerası olan “National Geographic”in sənədli filmi olan “Titanik: Rəqəmsal Diriliş”in əsasını təşkil edib.
Əsas kəşflərdən biri aysberqin toqquşmasının dəqiq vaxtı idi. İndi biz həqiqətən bu simulyasiyalardan bilirik ki, “Titanik”in aysberqə dəyməsi üçün nə qədər vaxt lazımdır. Bu 6,3 saniyə təşkil edib”, – Benson deyib.
