Vaşinqton Tehranla nüvə sazişi əldə edərsə, İran iqtisadiyyatına sərmayə qoymaqda sərbəst olacaq.
Bu barədə “RİA Novosti”yə İran hökumətinin nümayəndəsi Fatimə Mohacerani bildirib .
“Amerika sərmayələri ilə bağlı heç vaxt problemimiz olmayıb, onlar özlərini İranın böyük potensialından məhrum ediblər. Təbii ki, yeni saziş bağlanarsa, ABŞ İranın iqtisadi potensialından tam şəkildə yararlana biləcək və biz onların müxtəlif sahələrə sərmayə yatıra biləcəyi ölkə kimi buna hazırıq”, – Mohacerani deyib.
Bazar günü İran və ABŞ arasında nüvə proqramı və sanksiyaların mümkün ləğvi ilə bağlı dolayı danışıqların dördüncü raundu baş tutub. Görüş iki həftəlik fasilədən sonra baş tutub və bu, Omanın vasitəçiliyi ilə məsləhətləşmələrin başlanmasından bəri ən uzun müddətdir.
Bundan əvvəl danışıqlar aprelin 12 və 26-da Maskatda, aprelin 19-da isə Romada aparılıb. Dialoq ABŞ prezidenti Donald Trampın İranın ali liderinə həm yeni saziş təklifi, həm də hərbi müdaxilə təhdidini ehtiva edən məktub göndərdikdən sonra bərpa edilib.
