Süni intellekt təkcə tonlarla elektrik enerjisi deyil, həm də böyük miqdarda su tələb edir.
“Finansgundem.com”un tərtib etdiyi məlumata görə, “ChatGPT” 100 sözdən ibarət e-poçt yazmaq üçün 519 mililitr, yəni 1 şüşə su sərf edir.
Bu, “ChatGPT”nin bir il ərzində həftədə bir e-poçt göndərmək üçün təxminən 27 litr su sərf etməsi deməkdir.
İstifadəçinin “ChatGPT”ə daxil etdiyi hər sorğu tez bir zamanda koda çevrilir və cavabda istifadə ediləcək ən yaxşı sözləri müəyyən etmək üçün minlərlə hesablama aparan serverdən keçir. Bütün bu hesablamalar dünya üzrə nəhəng məlumat mərkəzlərində yerləşən real, fiziki serverlərə yüklənir. Cavab və ya sifariş vermək serverlərin təzyiq altında köhnə noutbuk kimi istiləşməsinə səbəb olur.
Bu mühüm serverlərin həddindən artıq istiləşməsinin və sıradan çıxmasının qarşısını almaq üçün məlumat mərkəzləri çox vaxt özləri su tələb edən soyutma qurğularına etibar edirlər.
