Bu ilin yanvar-mart aylarında SOCAR Gürcüstan bazarına 770 milyon kubmetr təbii qaz ixrac edib, bu da illik müqayisədə 50,6% artım deməkdir.
SOCAR-dan verilən məlumata görə, hesabat dövründə SOCAR tərəfindən dünya bazarına 4,1 milyon tona yaxın xam neft ixrac edilib.
Qeyd edək ki, SOCAR öz imkanları ilə hasil etdiyi neftdən əlavə, beynəlxalq konsorsiumlar çərçivəsində SOCAR və Azərbaycanın payına düşən nefti də ixrac edir.
“Ümumilikdə isə ölkə üzrə 6,7 milyon tona yaxın neft, 5,9 milyard kubmetr qaz ixrac edilib. Ölkə üzrə qaz ixracında ötən ilin analoji dövrü ilə müqayisədə 14,7% artım qeydə alınıb”, – məlumatda qeyd olunub.
