Hər şagirdə planşet paylamaq düzgün qiymətləndirmə deyil.
Bunu Təhsil naziri Emin Əmrullayev deyib.
O bildirib ki, 40 min müəllimə internet paketi paylanılıb:
“Özəl şirkətlərdən biri ilə əməkdaşlıq çərçivəsində biz müəllimlərin tədris prosesində problemsiz iştirakı üçün onlara internet paketləri təşkil etdik.
Bununla biz onların tədris prosesini də izləmiş olduq. Lakin şagirdlərin internetə qoşulması üçün planşet paylanması real görünmür.
Onların istifadə qaydasının izlənməsinə də gərək ola bilər. Düşünürəm ki, bu məsələ daha başqa formada qiymətləndirilməlidir”.
