Bu gün Qəbələ rayon Yemişanlı kənd şəhid Təbriz Qasımovun ikinci il dönümü qeyd olundu.
Tədbirdə rayon icra hakimiyyəti nümayəndələri, Qəbələ TV, kənd sakinləri, kənd icra nümayəndəsi, hərbiçilər, qazilər, şəhid ailələri, Dünya Azərbaycanlıların Mədəniyyət Mərkəzi, Sabitlik və İnkişaf Mərkəzi, İB Qəbələ rayon nümayəndəliyin rəhbəri, ruhanilər,ailə üzvləri və yaxınları iştirak etdi.
Tədbirdə Şəhid Təbrizin şücaətindən danışıldı.
Xocavəndin azad edilməsi uğrunda gedən döyüşlərdə şəhadətə ucalan Şəhidimiz Qasımov Təbriz Ramiz oğlunun anım günüdür.
Soyadı:Qasımov
Adı:Təbriz
Ata adı: Ramiz
Doğum tarixi: 16.02.1993
Şəhid olma tarixi: 05.11.2020
Rütbəsi: Əsgər
Təltifləri: “Vətən uğrunda”, “Füzulinin azad olunmasına görə”, “Xocavəndin azad olunmasına görə” medalları
16 fevral 1993-cü ildə Qəbələ rayonu Yemişanlı kəndində anadan olmuşdur. 1999-cu ildə Şükran Eyvazov adına Yemişanlı kənd tam orta məktəbində birinci sinfə getmiş, 2008-ci ildə həmin məktəbdən məzun olmuşdur. Həmin il Şəki Pedaqoji Kollecində İbtidai sinif müəllimi ixtisasına üzrə təhsilini davam etdirmişdir. 2012-ci ildə həqiqi hərbi xidmətə yollanmışdır. 2013-cü ildə hərbi hissədən tərxis olunduqdan müddətdən artıq xidmət edən hərbi qulluqçu kimi yenidən orduya qayıtmışdır. 2020-ci il sentyabrın 27-də başlanan Vətən müharibəsində könüllü iştirak etmiş, Xocavənd və Füzuli uğrunda gedən hərbi əməliyyatlarda döyüşmüşdür. 5 noyabrda Xocavəndin azad edilməsi uğrunda gedən döyüşlər zamanı qəhrəmancasına Şəhid olmuşdur.
Ailəli idi, bir övladı var.
Tədbir ata ocağında ehsan süfrəsi arxasında davam etmişdir.
Allah rəhmət eləsin.
Təranə Alməmmədova
“Xarıbülbül Əbədi Məclisin”, Dünya Azərbaycanlıların Mədəniyyət Mərkəzi, Sabitlik və İnkişaf Mərkəzi, İB Qəbələ rayon nümayəndəliyin rəhbəri
