Rusiya Baş Prokurorluğu “Taliban” terror hərəkatının Rusiyada fəaliyyətinə qoyulan qadağanın dayandırılmasını istəyib.
Bu barədə Ali Məhkəməyə verilən iddiada deyilir.
Bundan əvvəl Xarici İşlər Nazirliyi və Ədliyyə Nazirliyi oxşar təkliflə Rusiya prezidenti Vladimir Putinə müraciət edib.
Rəsmi hüquqi informasiya portalı xəbər verir ki, ötən il dekabrın 28-də Putin “Taliban” hərəkatının Rusiyada qadağan olunmuş terror təşkilatları siyahısından çıxarılmasının mümkünlüyü haqqında qanun imzalayıb. Təşkilat hazırda Rusiya Federasiyasında qadağandır.
Qanuna görə, fəaliyyətə qadağa Rusiya Federasiyasının Baş Prokurorunun bəyanatı əsasında Rusiya məhkəməsinin qərarı ilə müvəqqəti olaraq dayandırıla bilər. Əgər belə bir təşkilatın terrorizmin təbliği, bəraət qazanması və dəstəklənməsinə yönəlmiş fəaliyyətini dayandırdığına dair sübutlar varsa.
Hazırda Rusiya qanunvericiliyində belə bir təşkilatın fəaliyyətinə qoyulan qadağanın dayandırılmasına imkan verən mexanizm nəzərdə tutulmur. Təsdiq olunmuş qanun isə bu boşluğu aradan qaldırmağa hesablanıb.
