Rusiya Cənubi Qafqazda sülhün əldə edilməsi, sabitliyin və rifahın təmin edilməsi üçün Azərbaycan və Ermənistana lazımi yardımı göstərməyə davam edəcək.
Bunu çərşənbə günü keçirdiyi brifinqdə Rusiya Xarici İşlər Nazirliyinin rəsmi nümayəndəsi Mariya Zaxarova deyib.
Onun sözlərinə görə, “sülh müqaviləsinin hazırlanması məsələsində Azərbaycan və Ermənistan tərəfdaşları ilə sıx koordinasiya aparılır”.
“Ölkəmizin fəal iştirakı ilə ictimaiyyət nümayəndələri, ekspert dairələri, parlamentarilər arasında dialoqun inkişafı baxımından bu iki ölkənin xalqları arasında etimadın möhkəmləndirilməsi istiqamətində ardıcıl tədbirlər həyata keçirilir”, – diplomat əlavə edib.
