Ukraynadakı üç həftəlik müharibədə 20 il ərzində İraq və Əfqanıstandakı müharibələrdən daha çox rus əsgəri həlak olub.
Bu barədə ABŞ-ın məşhur “The New York Times” qəzeti məlumat yayıb. Məlumatda bildirilir ki, ABŞ-ın hesablamalarına görə, Rusiya artıq 7000-dən çox hərbçisini itirib. Ukrayna tərəfi isə reallıqda bu rəqəmin təxminən iki dəfə çox olduğunu bildirir. Belə ki, Ukrayna Müdafiə Nazirliyi artıq işğalçıların şəxsi heyətində ən azı 13500 itki olduğunu hesablayıb.
ABŞ hərbi mütəxəssislərinin fikrincə, cəmi üç həftəlik döyüşlərdə qeydə alınan belə itkilər Rusiya bölmələri üçün ciddi nəticələrdən xəbər verir.
“İndi Ukraynaya qarşı müharibədə 150 mindən çox rus hərbçisinin iştirak etdiyi bir vaxtda Rusiyanın itkiləri, o cümlədən yaralıların sayı təxminən 14-21 min təşkil edir” – deyə, “The New York Times” yazır.
ABŞ kəşfiyyatının hesabatlarından birində rus hərbçilərinin aşağı əhval-ruhiyyəsi diqqət mərkəzində olub. Onlar Ukraynadakı rus əsgərlərinin sadəcə olaraq texnikalarını atıb meşədə gizləndiklərini təsvir ediblər.
